Benvido ao Plan Ferrol
O Plan de Desenvolvemento Integral das comarcas de Ferrol, Eume e Ortegal é un proxecto da Xunta de Galicia, en colaboración co Ministerio de Industria, para lograr que estas comarcas alcancen o nivel de desenvolvemento económico doutras zonas de Galicia.
- Consolidación do sector eólico.
- Desenvolvemento do sector turístico.
- Potenciación do sector loxístico e desenvolvemento do porto exterior.
- Desenvolvemento do sector da acuicultura.
- Desenvolvemento do sector da biomasa.
- Desenvolvemento do sector de biocombustibles.
- Mantemento do sector naval e a industria auxiliar.
- Dotación de chan industrial.
- Mellora das infraestruturas.
- Fomento de I+D+i.
Existen distintas lineas de axuda. Atopa a que máis se adapte ás túas necesidades.
Empresas e emprendedores que teñan un proxecto empresarial para as comarcas de Ferrol, Eume e Ortegal.
Axudas
- Programa REINDUS (Ministerio de Industria, Turismo e Comercio) Préstamos de até o 50% do investimento a tipo de interese 0%, até 15 anos e até 5 anos de carencia. Para investimentos en actividades produtivas de carácter industrial xeradoras de emprego. Para proxectos a realizar nas comarcas de Ferrol, Eume e Ortegal.
- IG100 - IGAPEAxuda a fondo perdido garantida do 20% para novas implantacións e do un 15% para ampliación de establecementos existentes para proxectos empresariais superiores a 200.000 €. Para municipios das comarcas de Ferrol, Eume e Ortegal.
- IG101 - IGAPEAxuda a fondo perdido entre un 15% e un 30% para investimentos en servizos avanzados intensivos en emprego superiores a 200.000 €. Servizos avanzados en Galicia cun investimento superior a 200.000€ e cunha creación de emprego ligado ao investimento igual ou superior a 10 novos postos de traballo de carácter indefinido. A axuda resultante calcularase como unha porcentaxe sobre o salario bruto do persoal que se contrate ou ben sobre o investimento subvencionable, entre un 15% e un 30% da base subvencionable resultante.
- Incentivos económicos rexionais (Ministerio de Economía)Axuda a fondo perdido de até o 30% do investimento para investimentos empresariais superiores a 600.000 €. Fomento de desenvolvemento económico rexional a través do apoio financeiro á implantación de proxectos empresariais na Comunidade Autónoma de Galicia, co obxecto de corrixir os desequilibrios territoriais existentes.
- Proxectos empresariais xeradores de emprego que promovan o desenvolvemento alternativo das zonas mineiras. (Ministerio de Industria, Turismo e Comercio) Subvención a fondo perdido de até o 50% do investimento (Só concello das Pontes e limítrofes). Para a creación de emprego alternativo ao monocultivo do carbón mediante o apoio a proxectos empresariais xeradores de emprego, propiciando a transición das comarcas mineiras cara a unha estrutura económica asentada sobre o desenvolvemento de actividades económicas diversificadas e de maior valor engadido.
